O ALCALDE DE TORDOIA DONARÁ A SÚA PAGA EXTRA DE NADAL AOS SERVIZOS SOCIAIS MUNICIPAIS

En solidariedade co resto dos funcionarios afectados pola medida gubernamental que lles deixa sen esta paga de decembro o rexedor do Concello de Tordoia, Antonio Pereiro, anunciou que a súa paga extra de Nadal irá destinada íntegramente ás arcas municipais, en concreto aos servizos sociais do municipio co obxectivo de poder axudar ás familias do Concello que os están pasando peor. Pereiro, que anunciou a súa renuncia a esta paga extra no último pleno municipal, anunciou esta medida en solidariedade cos resto dos funcionarios afectados. O importe, que ascense a 2.550 euros, permitirá sufragar produtos de primeira necesidade cos que se elaborarán paquetes que se entregarán ás familias que máis o precisen deste municipio. 

“Son pequenos xestos cos que quero mostrar o meu apoio aos funcionarios e, ao mesmo tempo, darlle a estes cartos un fin social; cada pequeno grao de area permite paliar a situación económica de necesidade pola que sabemos que están pasando algúns dos nosos veciños e que estas datas de Nadal poidan pasarlle do mellor xeito posible”, explicou o alcalde de Tordoia.