A Consellería de Educación ven de dar autorización para a
desafectación de dous edificios escolares en Tordoia situados en Pedrasalgueira
e Santaia, que pasarán a propiedade municipal. Segundo explicou o rexedor
tordoiés, estas escolas quedaron pechadas no curso escolar pasado polo que
agora o Concello de Tordoia, a través de acordo plenario, decidiu solicitar a
súa desafectación e que pasen a formar parte do patrimonio municipal. O
obxectivo é voltar a darlle uso ás instalacións, que serán reconvertidas en
centros sociais para os veciños.
“Os edificios, situados nas parroquias de Anxeriz e
Gorgullos, pasan así ao inventario municipal e así poderán voltar a ser útiles
para os veciños destas parroquias, que os destirán a realizar actividades
deportivas, sociais e culturais, sen apenas investimento por parte do
Concello”, explicou o alcalde de Tordoia.
No hay comentarios:
Publicar un comentario