Teatro, obradoiros e música enchen estes días o tempo de lecer dos rapaces
e rapazas do Concello de Tordoia que estas semanas estanse desenvolvendo no
marco do campamento urbán promovido polo Concello. Os 30 pequenos de entre 4
e 12 anos que participan nestas actividades desplázanse diariamente á Casa da
Cultura ou ao Polideportivo municipal para participar destas actividades ata o
vindeiro 18 de agosto.
Segundo explican desde o Concello, contratáronse catro monitores para
atender a estes menores cun programa que favorece a conciliación familiar
durante os meses de verán. Ademais destes obradoiros e actividades, o programa
completarase cunha ruta de sendeirismo e unha visita ao Aquapark, para pechar o
Verán 2012 en Tordoia. Para esta última xa está aberto o prazo para inscribirse
que rematará o vindeiro 14 de agosto. Todos os nenos que queiran acudir a esta
visita terán que anotarse na Casa da Cultura.
Excursións Terceira Idade
Tamén está aberto o prazo para
inscribirse nas distintas excursións da Terceira Idade que se celebrarán
durante o mes de agosto co seguinte itinerario: saída de Tordoia ás 8h e
regreso ás 22 horas pasando por Padrón, A Pobra do Caramiñal, Ribeira, Aguiño,
Porto do Son, Portosín e Noia. A
primeira delas terá lugar o 23 de agosto e pódense anotar o maiores de 60 anos
das parroquias de Anxeriz, Andoio e Viladabade. A seguinte será o 24 de agosto,
para as parroquias de Castenda, Gorgullos, Leobalde e Numide e a terceira e
última terá lugar o 31 de agosto para os veciños de Bardaos, Cabaleiros e Tordoia.
En todos os casos o prazo máximo de inscrición é
dous días antes de cada data de viaxe. O prezo,
de 22 euros, inclúe o desplazamento e a comida nun restaurante de Porto do
Son.
No hay comentarios:
Publicar un comentario