O próximo xoves
3 de maio, na gandaría Candendo, de Viladeabade (Tordoia) ofrecerase unha
xornada de portas abertas. Espérase a asistencia de máis de duascentas persoas.
Ademais, xusto ao lado da gandaría, que dirixen o novo matrimonio formado por Dosindo Rey e María del Carmen Collazo, haberá tamén unha
exposición de maquinaria agrícola e unha pulpeira para
preparar o tradicional polbo á feira.
O motivo deste día de exhibición é que Dosindo e María del Carmen adquiriron hai apenas 20 días un Lely Astronaut A 4 e, como explica Dosindo, "son os da
firma Lely os que o organizan todo. É a primeira
xornada deste tipo que se fai na zona e a segunda en toda Galicia", di. E
o certo é que este robot é un auténtico descubrimento.
Dosindo ten 150 cabezas de gando, 65 delas producindo leite. “E
dende que teñen o robot muxidor aumentamos a producción. Sacamos uns 2.400 litros de leite
cada día", explica. Ademais, a máquina dálle 100 datos concretos de cada
vaca ao día: dende o seu peso (están sobre os 650 quilos), a se rumía ben, se
pode ter algún problema de saúde, cantas veces foi muxida na xornada, cantos
litros ofreceu, se aumentaron a súa producción nos últimos días, que calidade
de leite deu, e un longo etcétera. Ademais, ofrécelle gráficos de todo tipo,
aínda que quizais o máis importante para Dosindo é que
"as vacas se senten moito mellor, están máis alegres". E é que os
animais están soltos dentro da nave e entran elas soas á máquina de muxidura ao
reclamo do penso e unha masaxe que lles dá a máquina.
Por outro lado, as vacas móxense unha media de 2,5
veces ao día, xa sexan ás catro da madrugada ou as doce da noite, co
conseguinte descanso e calidade de vida para os gandeiros: unha axuda para un
sector ao que lle pagan 30 céntimos por litro de leite mentres que o penso lles
sae a 31 céntimos por quilo.
Fonte: Tierras de Santiago
No hay comentarios:
Publicar un comentario