SETENTA PERSOAS PARTICIPARON NUNHA CHARLA COSBRE A POLÍTICA AGRARIA COMÚN

A Casa da Cultura do concello de Tordoia acolleu unha conferencia informativa dirixida a membros das explotacións gandeiras do municipio co obxectivo de aclarar os cambios que sufriu a Política Agraria Común (PAC) da Unión Europea. Impartido polo coordinador executivo da FRUGA, Manuel Da Cal, os máis de setenta participantes que tomaron parte na charla puideron trasladar as súas dúbidas e inquedanzas con respecto a nova reforma da PAC, que entrará en vigor o vindeiro ano.

Entre os aspectos que se abordaron durante o encontro informativo estivo a posibilidade de desaparición das cotas lácteas, a xestión interna das explotacións gandeiras e o custo que supón o mantemento deste tipo de produccións.