INVESTIMENTO DE 2.4 MILLONS DA XUNTA PARA MELLORAR O ACCESO A INTERNET

A conselleira de Medio Rural e do Mar e a directora da Axencia para a Modernización tecnolóxica asinaron o pasado 17 de abril en tordoia un convenio para facilitar o acceso a internet vía satélite á poboación das zonas con máis dificultades de cobertura.

Finalmente, o alcalde de Tordoia, Antonio Pereiro, agradeceu o traballo de Rosa Quintana e Mar Pereira xa que “Tordoia é un deses concellos que pode acceder á banda larga de calidade e tamén está a ser un dos beneficiarios das actuacións que se están levando a cabo”. O alcalde de Tordoia explica que “antes da posta en marcha do Plan, tan só o 19% da poboación de Tordoia contaba con acceso á banda larga de calidade. A día de hoxe, en torno ao 55% dos veciños dispoñen da posibilidade de acceso grazas a este Plan”.

Ademais, Pereiro Liñares adianta que “no primeiro semestre deste ano, e grazas aos novos despregamentos de redes 3G, contaremos co 70% de acceso. E así ata acadar o 96% previsto ao remate do Plan, o cal significará que todos os fogares poderán contar con acceso á banda larga de calidade, tan necesaria no día de hoxe”.