Na súa cuarta lexislatura como
alcalde de Tordoia gobernando en maioría, Antonio Pereiro participou na
evolución do Concello nestes últimos catorce anos.
¿Cales son os cambios máis
significativos que sufriu Tordoia?
Cambiou en canto a infraestructuras
básicas con melloras importantes nas vías de comunicación, a apertura de parte
da carreteira de Pontepedra a Santiago, a terminación de Silva a Santa Comba, ou
a que fixo a Xunta de Ordes a Carballo, que dan un servicio moi interesante
para comunicarnos co resto das capitales. Milloramos en canto os servizos de
asistencia sanitaria, coa mellora do centro de saúde e en servizos deportivos,
con dous campos de fútbol e tres pistas polideportivas.
Xa tedes os orzamentos aprobados,
¿Cal é a situación económica do Concello?
Temos un orzamento de case tres
millóns de euros, acudimos a un crédito para pago a proveedores, pero estamos
mantendo o gasto e cúbrenos as necesidades básicas do Concello. As prioridades
están nos servicios sociais básicos e no mantemento das vías de comunicación,
xa que aínda que temos pouca poboación -4.500 habitantes- a rede de carreteiras
é moi ampla -máis de 400 km
de camiños- e é caro o seu coidado.
No hay comentarios:
Publicar un comentario