A Casa da Cultura do Concello de Tordoia acollerá o vindeiro
xoves, 7 de xuño unha xornada informativa na que, baixo o título “Como facer
unha declaración da Renda Básica” aportarase toda a información que precise o
particular para rendir contas con Facenda no caso de estar traballando por
conta allea.
Neste sentido desde o Concello explicouse que se trata dunha
xornada na que se abordarán os aspectos básicos que é preciso coñecer para
poder presentar correctamente a Declaración.
Unha das axentes da Mancomunidade de Ordes, Marta Souto,
será a encargada de impartir a xornada, de carácter gratuíto e para a que non é
preciso facer ningunha inscrición previa. Dirixida a toda a poboación, o
seminario comezará a partires das 11.30 horas. Pódese recabar máis información
nos Servizos Sociais municipais ou na Casa da Cultura.
No hay comentarios:
Publicar un comentario