TORDOIA APROBA AS OBRAS DO PLAN DE OBRAS E SERVIZOS

O Concello de Tordoia ven de aprobar as obras que se executarán no Plan de Obras e Servizos correspondentes a 2013 e que nos vindeiros días serán adxudicadas para o comezo inmediato dos traballos. O POS deste exercicio suporá un investimento no municipio de 202.289 euros, que irán destinados á pavimentación, arranxos e ampliación de accesos de viais.

O proxecto de maior cuantía será a ampliación dos accesos a Santaia, na parroquia de Gorgullos, e que permitirá enlazar o acceso coa travesía de Gorgullos e o núcleo de poboación. O custe do investimento é de 88.000 euros.